Nós

O 26 de maio de 1990, nace a Asociación Cultural Amistade, ca fin de, segundo reza na memoria da súa constitución: “conservar e recuperar as raíces culturais desta aldea para que mañá, os que hoxe son cativos, poidan palpar as súas raíces dun xeito directo e realista”.

Grazas aos seus membros, organizáronse eventos como a homenaxe á Banda de Música de Rebordechán, no ano 1990 e o seu Centenario, no ano 2007; recuperáronse festas tradicionais e promovéronse outras novas, como o Xantar do Castriño, a Festa dos Cativos e a Noite da Moura; creouse o grupo de gaitas O Castriño; e escribíronse os libros Rebordechán, unha aldea de tantas e Rebordechán, a nosa memoria.

A Asociación Cultural Amistade, hoxe, grazas ao seu continuo esforzo, segue enchendo de tinta as páxinas en branco de Rebordechán; esperando sempre que o bolígrafo non se gaste en moito tempo.